विद्यानिकेतन प्री-प्रायमरी स्कूलमध्ये ‘पहिलीसाठी प्रवेशोत्सव कार्यक्रम’ उत्साहात संपन्न
विद्यानिकेतन प्री-प्रायमरी स्कूलमध्ये ‘पहिलीसाठी प्रवेशोत्सव कार्यक्रम’ उत्साहात संपन्न
पुज्य नगरी ऑनलाईन न्यूज
प्रतिनिधी नितीन बारकुल
सचिन पाटील सरांनी आपल्या भाषणात नवीन शैक्षणिक धोरणाबद्दल माहिती सांगितली"बदल हा काळाची गरज आहे" हे पटवून देत विद्यालयाच्या वैशिष्ट्यांवर प्रकाश टाकला. त्यांनी "शाळा आपली शाळा कशी वेगळी आहे" याबद्दल माहिती देताना, शिक्षकवृंदाच्या मेहनतीची ओळख करून दिली. तसेच, शाळेच्या भौतिक सुविधा, विद्यार्थ्यांच्या क्षमतांवर आधारित शिक्षण प्रणाली, शंभर टक्के गुणवत्तेची हमी, कमी फी आणि स्पर्धा परीक्षांसाठी विशेष तयारी यांसारख्या शाळेच्या विशेष वैशिष्ट्यांची सविस्तर माहिती दिली.
तसेच, संस्थेचे अध्यक्ष श्री. सचिन पाटील सर यांनी उपस्थित पालकांना मार्गदर्शन केले आणि आपल्या पाल्यांना गुणवत्तापूर्ण शिक्षण देण्यासाठी योग्य शाळेची निवड कशी करावी, याविषयी माहिती दिली. त्यांनी पालकांना विद्यार्थ्यांच्या सर्वांगीण विकासासाठी शाळेच्या उपक्रमांचा लाभ घेण्याचे आवाहन केले.
विशेष म्हणजे, सुंदर हस्ताक्षरासाठी ओळखल्या जाणाऱ्या या शाळेने शैक्षणिक गुणवत्ता आणि विद्यार्थ्यांच्या सर्वांगीण विकासावर भर दिला आहे. तसेच, ही शाळा इयत्ता पहिलीपासूनच विविध स्पर्धा परीक्षांची तयारी करून घेत आहे, जेणेकरून विद्यार्थी लहान वयातच स्पर्धात्मक शिक्षण पद्धतीशी परिचित होतील आणि उज्ज्वल भविष्यासाठी सक्षम होतील.
कार्यक्रमाचे प्रमुख पाहुणे ज्येष्ठ शिक्षक श्री. सतीश पाटील सर, तुषार रुमणे, मनोज जाधवर, प्रवीण बारकुल, संदीप ढवळे, आश्विनी बारकुल, सुनीता बारकुल, वाघमारे सर आणि प्रशासकीय अधिकारी श्री. अनिल डोके सर यांनी आपल्या उपस्थितीने कार्यक्रमाची शोभा वाढवली. त्यांनी आपल्या मार्गदर्शनातून शाळेच्या शिक्षण प्रणालीबद्दल समाधान व्यक्त केले आणि पालकांना शाळेच्या गुणवत्तापूर्ण शिक्षणाचा लाभ घेण्याचे आवाहन केले.
तसेच, विद्यानिकेतन प्राथमिक व माध्यमिक विद्यालयातील ज्येष्ठ शिक्षक श्री. टेकाळे सर यांनी विद्यार्थ्यांसाठी मार्गदर्शन केले, ज्यामुळे पालक आणि विद्यार्थ्यांना महत्त्वपूर्ण शैक्षणिक दृष्टीकोन मिळाला.
या शाळेत इयत्ता पहिलीसाठी तब्बल 200 विद्यार्थ्यांची नावनोंदणी झाली असून, उत्स्फूर्त प्रतिसादामुळे प्रवेशासाठी रांगा लागल्या आहेत. हा यशस्वी प्रतिसाद फक्त कृतीयुक्त शिक्षणपद्धती आणि विद्यार्थ्यांकडे दिल्या जाणाऱ्या विशेष लक्षामुळे मिळाला आहे.
हा कार्यक्रम यशस्वी करण्यासाठी वर्षा पवार, फीजा पठाण, माळी अंजली, ज्ञानेश्वरी बारकुल यांनी मोलाचे सहकार्य केले.
पालक आणि विद्यार्थ्यांनी या कार्यक्रमाला उत्स्फूर्त प्रतिसाद दिला. हा कार्यक्रम विद्यार्थी व पालकांसाठी प्रेरणादायी आणि माहितीपूर्ण ठरला.
तसेच, ‘माझी शाळा सुंदर शाळा’ या शासनाच्या उपक्रमांतर्गत विद्यानिकेतन शाळेला 2 लाख रुपयांचे बक्षीस मिळाले आहे.
कार्यक्रमाचे सूत्रसंचालन पाळवदे मॅडम यांनी केले, तर प्रस्ताविक विद्यानिकेतन इंटरनॅशनल स्कूलच्या प्राचार्य प्रियंका पाटील यांनी सादर केले. आभार प्रदर्शन वाघमारे मॅडम यांनी केले.
विद्यानिकेतन स्कूलने शिक्षणाच्या क्षेत्रात घवघवीत यश संपादन केले असून, भविष्यातही विद्यार्थ्यांसाठी उत्तम शैक्षणिक सुविधा उपलब्ध करून देण्याचा संकल्प केला आहे.
Comments
Post a Comment